“Euros accepted” është slogani më shpesh i vendosur nëpër vitrinat e shitoreve të  Nju Jorkut. Këtë studim ditëve të fundit ka bërë agjencioni i lajmeve Reuters, për të cilin deklarata kanë dhënë edhe vetë menaxherët e lokaleve. Ata thonë se edhe Euroja është valutë, ndërsa sipas rregullativave interbankare, do të jetë më i lehtë edhe këmbimi i monedhave. Dhe jo vetëm i Eurove, por edhe Paundi britanik dhe të tjera valuta të fuqive më të mëdha ekonomike. Ata e arsyetojnë këtë ekspansion me atë që është shtuar edhe numri i turistëve europianë. Ndërsa më bëri përshtypje deklarata e një menaxheri i cili tha se “Do të gëzohesha nëqoftëse më  bien në dorë 200 euro, pasiqë më lehtë do t’i ruaja, dhe kur të shkoj në Paris nuk do të ketë nevojë që t’i konvertoj”… 

Thjeshtë një pyetje; A do të thotë kjo se Dollari e ka humbur fronin si valutë kryesore botërore, dhe nëse amerikanët janë të vetëdijshëm për këtë dhe dalëngadalë po e pranojnë këtë fakt?

Këtë vit, pas më shumë se 120 vitesh, standardi i jetesës në Britani do të jetë më i mirë sesa ai i SHBA-ve nëse mirret parasysh matja përmes GDP-së.

Bruto Prodhimi Kombëtar për kokë banori në Britani këtë vit do duhej të ishte 46.088 dollarë amerikanë, ndërsa ai në SHBA 45.598, me çka për të parën herë pas vitit 1885 Mbretëria e Bashkuar do të kishte standard më të lartë jetese sesa “vëllau i madh” matanë Atlantikut. Si faktor kryesor në këtë aspekt mund të mirret stabiliteti i Paundit  ndaj Dollarit.

Reformat ekonomike, rregullativat e reja për punësim dhe lëshim nga puna, si dhe krijimi i bankës qendrore të pavarur, ishin ngjarjet të cilat e shënuan dekadën e fundit në ekonominë britanike dhe të cilat vazhdimisht e zvogëlonin dallimin e vlerës së GDP-së në mes këtyre dy superfuqive ekonomike botërore. Rënia e vlerës së dollarit gjithashtu kontribuoi që britania të gjendet para SHBA-së.

Mirëpo, nëse si indikator për standardin e jetesës mirret parasysh fuqia blerëse e konsumatorëve, atëherë ekonomia britaneze mbetet shumë prapa asaj amerikane.

_

Museo Aero Solar – muzeu i parë fluturues, i ndërtuar nga qeset e plastikës të recikluara, dhe që fluturon duke shfrytëzuar vetëm energjinë diellore. Një pëlhurë solare.  Çdo qese e plastikës, e çfarëdo lloj madhësie, ngjyre apo trashësie nevojitet për ndërtimin e tij.

Nga fshati në fshat, nga sheti në shtet, nga kontinenti në kontinent, nga sistemi solar deri në … nuk  edi se ku,  muzeu aero-solar do të udhëton dhe do të rritet nga energjia diellore dhe njerëzore. Në secilin stacion ku do të ndalet, do të rritet akoma më tepër nga qeset e vendosura nga banorët e atij vendbanimi. Nga kjo do t‘i rritet edhe volumi por edhe do t’i ndryshohet forma. Pra, sa më shumë qese, aq më i madh do të bëhet.

Stacioni i ardhshëm i  Museo Aero Solar: Tiranë shkurt 2008 | www.air-port-city.org 

  Gjithashtu mund të shihni edhe një video këtu:  

Kur për herë të parë shfrytëzova Google Earth, nuk mundja të besoj se si është e mundur të kem gjithë botën “në dorë”. Nuk mundja të analizoj atë se si është e mundur të jenë të kombinuara me aq përpikmëri të gjitha frames (shqip nuk e di si u thonë). Gjitashtu nuk mundja të besoj se si dukej qyteti im Shkupi nga lart, lagjja ime, dhe aq më tepër shtëpia ime. Mirëpo, t’i lëmë filozofitë, pasiqë agjencioni Philipp und Keuntje nga Gjermania ka realizuar një poster të mrekullueshëm për kampanjën reklamuese të aeroportit të Hamburgut. Thënia thotë: “Fly more, see more”.

Pas ligjit kundër duhan që veçmë po aplikohet në mbi 50 shtete, mënyra kryesore për të konsumuar një cigare është të dalësh jashtë dhe shpejt e shpejtë të thithësh një të tillë dhe përsëri të kthehesh në zyre. Mirëpo, për tua bërë këtë më të lehtë duhanxhinjve, Philip Morris ka lëshuar në prodhim një lloj të ri cigaresh; më të shkurtër por me të njejtën sasi nikotini. 

Kjo cigare është më e shkurtër gati për 1.5 centimetra se ajo standarde, ndërsa për herë të parë do të testohet në Turqi (ku askush askund nuk guxon të dalë). Sulmi i fundit ndaj duhanpirësve është nga ana e ekologëve, të cilët janë kthyer pikërisht kundër këtyre “ngrohësve të jashtëm”, ata që pinë cigare në ambient të hapur.